大媽晾臭腳 辯稱放低流血不止 空姐焗噴清新劑

作者:Claudia    發表日期:2018-09-29 12:55:19

近日有網民於社交群組「巴打絲打 Facebook Club」發貼,指於泰國回香港的航機上,遇到大媽晾腳,期間更聞到陣陣臭味,即使空姐再三勸告亦徒勞無功。有乘客直斥大媽行為自私!

發貼者星期一晚表示,從泰國乘搭航機回港時,有一名大媽施展「軟骨功」,將脫掉鞋的右腳晾於前座上方位置,並露出包紮好的腳趾公。他表示當時有乘客開始反映有臭味傳出,機艙人員亦馬上對國語大媽作出勸導。

不過,該大媽並沒有理會,反而向空姐拿毛氈包腳,更辯稱:「腳趾公受傷,如果放隻腳落嚟會流血不止」。空姐只好不停噴空氣清新劑辟味。

到了吃飯時間,發貼者大嘆「真係頂唔順」,再一次向空姐表示「佢咁嘅行為我真係食唔到飯」。惟經空姐再三要求,大媽亦不願放低腳。

發貼者表示,落機時有一名外籍人士鬧爆大媽:「你真係有需要全飛機去容忍你兩母子嘅自私行為?」不過大媽未有理會,最後更健步如飛般急步離開。

貼文一出,不少網民怒轟大媽行為「自私」:「冇文化真係冇計」、「好樣衰」、「隔住個芒都覺得臭」。另有網民獻計︰「應該利用群情洶湧既(嘅)狀況逼佢放低」、「扮臭到嘔,然後直接嘔落佢個身到(度)」。
---------------
《港呢啲》:大事小事騎呢事,東網嚴謹選題,輕鬆製作!


本文來源:http://hk.on.cc/hk/bkn/cnt/news/20180410/bkn-20180410122836312-0410_00822_001.html




Tag:
本文鏈接:http://www.health852.com/102075.html