搜查線:新丁創業失敗 串燒店食物贈露宿者

作者:Demi    發表日期:2018-09-21 07:19:16

元朗一間串燒店開業了3個月就結業,雖然生意無法經營下去,卻有一點心意留下。幾位創業新丁特意將「存貨」捐贈,考慮到串燒不太適合「派街坊」,決定將食材煮好,併成一個個美味飯盒。飯盒有菜有肉,排列得整整齊齊,加上一班朋友襄助,到深水埗派飯予露宿者,讓他們可以有熱飯飽肚,感受人間溫暖。

20多歲的Dickson是其中一個老闆,幾個月前頂了元朗一個舖位,與朋友「夾份」做串燒生意,惜最後因時間太長影響正職,而不能如願,因此選擇結束營業「止蝕」。「太困身,做飲食要好多時間,我哋3個人分3更,我負責夜晚看舖,收埋舖差唔多每晚都要4點先瞓。」雖然創業夢落空,賺取到寶貴的經營經驗外,還有一次特別的經歷。

店舖剩餘不少食材,Dickson直言不想浪費,「我哋雖然結業,但都想利用呢個機會做番啲有意義嘅事。」本想捐贈予慈善團體和社福機構,然經接洽後,團體因擔心食物有安全問題,不接受開了封的食物。

求人不如求己,Dickson決定將剩餘一個星期分量的食材煮好,裝成飯盒派給露宿者。十多個紙箱,過百個飯盒。幾個人在當日中午就開始着手準備。雞翼、雞脾、魚、蝦、菜,家常的菜式應有盡有。其中一名老闆陳先生坦言,「一餐半餐都幫唔到啲咩,都只係一份心意。」莫因善小而不為,為了這一份心意,大家「夾手夾腳」,直至入黑。

幾位老闆曾向免費派飯予深水埗區基層及露宿者的的深水埗明哥取經,詢問派飯的地點,更特意買了生果以及飲料一同派發。一行十多人,推着手推車,在深水埗穿梭。走過大街小巷,來到一個橋底,露宿者的聚居地。多箱的食物和物資,一瞬間便掃清空。

一句「保重身體,生活愉快」,加上一餐暖暖的溫飽,或者就是一般市民可以給予露宿者的幫助。

-----------------

《魔法軍團Z》創新自由組裝機械人大戰!

日系機甲戰棋手機遊戲《魔法軍團Z》好評配信中!

遊戲下載:http://s.gameone.com/fYw4ilj


本文來源:http://hk.on.cc/hk/bkn/cnt/news/20170605/bkn-20170605060000701-0605_00822_001.html




Tag:
本文鏈接:http://www.health852.com/13778.html